Eqikkaaneq

Nuna tamakkerlugu aammalu nunat tamalaat akornanni COVID-19-imik peqquteqartumik angallattoqaqqusaajunnaarnerata kingorna akunnittarfinni inisisimasunut unnuisunullu naatsorsuutit siulliit takutippaat Kalaallit Nunaat tamakkerlugu akunnittarfinni inisisimasut kiisalu unnuinerit ikileriartut. Tamanna qaammat marsimi angallattoqaqqusaajunnaarnerata atuutsinneqarlerneranik peqquteqarpoq, ukiullu siuliani qaammammut pineqartumut sanilliullugit akunnittarfinni inisisimasut 4.387-inik ikinnerupput, unnuinerillu 11.593-inik ikinnerullutik. Ikiliartornerili febaruaarimi aallartissimavoq, ukiup siualiani qaammammit pineqartumit akunnittarfinni inisisimasut 767-inik aammalu unnuinerit 2.061-inik ikinnerusimallutik.

 

Kalaallit Nunaanni akunnittarfinni, vandrehjemmini unnuisarfinnilu allani 49-usuni Naatsorsueqqissaartarfimmullu nalunaarusiortartuni 1.kvartaalimi inisisimallutik unnuisimasut 13.666-iusut unnuinerit 38.249-usimapput. Tamanna 2019-imi piffissamut pineqartumut sanilliullugu 27,6 pct.-inik kiisalu 26,6 pct.-inik appariarneruvoq.

 

Titartagaq 1. 2019-imi 2020-milu 1. kvartalimi inisisimasut amerlassusaat

Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT

 

Tabel 1. 2019-imi 2010-milu 1. kvartalimi inisisimallutik unnuisut amerlassusaat

	2019	2020	allannguut pct.-inngorlugu 2018-2019
Kalaallit Nunaanneersut	12.528	9.163	-26,9
Danmarkimeersut....	4.267	3.091	-27,6
Nunanit allaneerust ...	1.657	1.166	-29,6
Nalunaarsorsimanngitsut	430	246	-42,8
Katillugit...........	18.882	13.666	-27,6

Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT

 

2020-mi 1.kvartalimi akunnittarfinni inisisimasut

2020-mi kvartalimi siullermi akunnittarfinni inisisimasut amerlassusaat 2019-imut sanilliullugit 27,6 pct.-inik appariarput. Kommuneqarfik Sermersuup Kangiani appariaat 46,1 pct.-iulluni annertunerpaavoq.

 

Titartagaq 2. 2019-imi 2020-milu 1. kvartalimi inisisimallutik unnuisut amerlassusaat, kommuni malillugu

Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT

(1) Ilulissat Avannaata Kommunianut aamma Kommune Qeqertalimmut kisitsisini tamakkiisuni ilaavoq.

 

2020-mi 1.kvartalimi akunnittarfinni unnuinerit

 

Tabel 2. 2019-imi 2020-milu 1. kvartalimi unnuinerit amerlassusaat

	2019	2020	allannguut pct.-inngorlugu 2018-2019
Kalaallit Nunaanneersut	31.490	23,543	-25,2
Danmarkimeersut....	13.382	10.047	-24,9
Nunanit allaneersut...	5.644	3.574	-36,7
Nalunaarsorsimanngitsut	1.578	1.085	-31,2
Katillugit...........	52.094	38.249	-26,6

Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT

 

2020-mi kvartalimi siullermi akunnittarfinni unnuinerit amerlassusaat 2019-imut sanilliullugit 26,6 pct.-inik appariarput. Kommuneqarfik Sermersuup Kangiani appariaat 45,9 pct.-iulluni annertunerpaavoq.

 

Titartagaq 3. 2019-imi 2020-milu 1. kvartalimi akunnittarfinni unnuinerit amerlassusaat, kommuni malillugu

Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT

(1) Ilulissat Avannaata Kommunianut aamma Kommune Qeqertalimmut kisitsisini tamakkiisuni ilaavoq.

 

Titartagaq 4. 2019-imi 2020-milu 1. kvartalimi nunanit allaneersut akornanni akunnittarfinni unnuinerit amerlassusaat

Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT

 

Erseqqissaatit

Naatsorsueqqissaartarfik Kalaallit Nunaanni unnuisarfiit amerlanersaannit akunnittarfinniillu annerusunit tamanit ataavartumik nalunaarusiorfigineqartarpoq. Kisitsisillu kisitsisaagallartuupput allannguuteqarsinnaallutillu Naatsorsueqqissaartarfimmi nalunaarutit amingaatigineqartut tiguneqarnerini.

 

Naatsorsueqqissaartarfiup Visit Greenland suleqatigalungu Kalaallit Nunaanni unnuinermi siniffiit atorneqarsinnaasut amerlassusaat misissorpaa. Tassani ilaatingut unnuisarfinnik akunnittarfinnillu nutaanik misissuisoqarpoq. Tabel A1-imi siniffinnik atorneqarsinnaasunik atuinerup annertussusaa atuarneqarsinnaavoq.

 

Tabel A1. Siniffinnik atorneqarsinnaasunik atuinerit amerlassusaat, 1.kvartal 2020

	Avannaata Kom. aamma Kom. Qeqertalik	Ilulissat (1)	Qeqqata Kommunia	Kommune Kujalleq	Kommun. Sermersooq Kitaa	Kommun. Sermersooq Kangia	Katillugit
Siniffinnik atorneqarsinnaasunik atuinerit	67.340	47.138	42.406	38.038	40.495	22.204	210.483
Siniffiit atorneqarsinnaasut amerlassusaat	78.078	52.780	48.958	39.403	54.964	23.478	244.881
Atuineq pct.-inngorlugu	86%	89%	87%	97%	74%	95%	86%

Najoqqutaq: Naatsorsueqqissartarfik aamma Visit Greenland.

 

2017-i aallanerfigalugu inisisimasunut najugaqarfimminnik nalunaarsorneqarsimanngitsut immikkoortiterinermi ”Ilisimaneqanngitsutut” immikkoortiterneqartalerput. Tamanna sioqqullugu nalunaarsuutini saqqummiunneqarsimasuni pineqartut ”Nunani allaneersutut” nalunaarsorneqartarput.m

 

Nalunaarsuutit kinguaattooqqaneri peqqutigalugu inisisimasut missiliorlugit 0,6 pct.-ii kiisalu unnuinerit 2,0 pct.-ii 2019-imi piffissami pineqartumi paasissutissaat tunngavigalugit missingersuutaapput.